/ Супраць палітычнага тэрору

/ Супраць палітычнага тэрору

19-12-2009 / Генадзь Кеснер

Прадстаўнікі беларускай дэмакратычнай грамадскасці 16 снежня адзначылі традыцыйны Дзень беларускай салідарнасці. Гэтым разам ён прайшоў пад лозунгам «Не — палітычнаму тэрору!». Нягледзячы на моцны мароз, акцыя працягвалася цэлых паўгадзіны.

На Кастрычніцкую плошчу Мінска выйшлі больш за 60 палітыкаў і грамадскіх актывістаў. Сярод якіх былі лідэр АГП Анатоль Лябедзька, былы кіраўнік Партыі БНФ Лявон Баршчэўскі, а таксама Вячаслаў Сіўчык, Андрэй Саннікаў, Валеры Шчукін, Артур Фінькевіч, Ірына Халіп, Павел Юхневіч.

Пікетоўцы пастаянна скандавалі: «Свабоду палітвязням!», «Жыве Беларусь!», «Не — палітычнаму тэрору!». У той жа час некалькі міліцыянтаў праз мегафон папярэджвалі ўдзельнікаў мерапрыемства, што іх дзеянні незаконныя, і яны могуць быць прыцягнуты да адміністратыўнай адказнасці, калі не разыдуцца. Але разыходзіцца ніхто не збіраўся, як і праваахоўныя органы не збіраліся гэтым разам гвалтоўна разганяць пікет. Невядомыя ў цывільным толькі здымалі ўсё, што адбывалася, на відэакамеры.

Лозунг цяперашняй акцыі быў невыпадковы. Справа ў тым, што на пачатку бягучага месяца невядомыя на непрацяглы час ажыццяўлялі нахабнае выкраданне лідэра зарэгістраванага ў Чэхіі «Маладога фронту» Змітра Дашкевіча (5 снежня) і актывіста «Еўрапейскай Беларусі» Яўгена Афнагеля (6 снежня). Абодвух юнакоў гвалтоўна схапілі, доўга вазілі з заплюшчанымі вачамі і ўрэшце выкінулі за межамі горада. Сёлета падобнае адбывалася і з іншымі моладзевымі актывістамі — Настай Палажанкай, Дзянісам Карновым, Артурам Фінькевічам, Уладзімірам Лемешам. Факты выкрадання грамадскіх актывістаў ужо прыцягнулі ўвагу міжнароднай супольнасці, у тым ліку і еўрапейскіх структур.

  • Printer-friendly version
  • Send to friend

Пакінуць новы каментар

Значэнне поля не будзе паказанае публічна.

Відэа

Усё Відэа

Аб'явы


Дабрачынны распродаж

Сустаршыня Аргкамітэта па святкаванню 600-годдзя Грунвальдскай перамогі мастак Мікола Купава абвяшчае пра продаж некаторых сваіх твораў.
Мастак разлічвае на тое, што атрыманыя ад продажу карцін сродкі дазволяць кампенсаваць частку выдаткаў Аргкамітэта на падрыхтоўку і адзначэнне 600-годдзя Грунвальдскай перамогі. У першую чаргу маецца на ўвазе выраб Грунвальдскіх харугваў, паездка на Грунвальдскае поле ды стварэнне банераў-плакатаў.

Мікола Купава запрашае беларускіх патрыётаў прыняць удзел у дабрачыннай акцыі.

Забяспечаным і неабыякавым грамадзянам прапануецца набыць творы Міколы Купавы, сярод якіх акварэль “Вільня. Замак”, “Вечар у Ляўках”, “Менск. Верхні горад”, “Менск пач. ХХ ст.”, а таксама партрэты Янкі Купалы, Якуба Коласа, Алаізы Пашкевіч, Фрацішка Багушэвіча, выкананыя ў тэхніцы лінарыт і іншыя.

Тэлефоны для кантактаў: (029) 551-32-36. (017) 306-33-17

 

 Беларус з Буэнас-Айраса шукае землякоў з-пад Клецка

На адрас электроннай пошты «Новага часу» прыйшоў ліст з Аргенціны, з Буэнас-Айраса.  Даць увесь тэкст даслоўна не выпадае, бо аўтар, як ён сам адзначыў, карыстаўся электронным перакладчыкам, таму сэнс некаторых фраз не зусім зразумелы. Прыводзім асноўны змест ліста.

Мяне завуць Карлас і я пішу гэты ліст, каб папрасіць вас дапамагчы. Я шукаю каго-небудзь з вёскі Заостровечье (так у тэксце, у тэме электроннага ліста аўтар пазначыў яшчэ і так: Клецк-Заостровечье, засценок Б. БОРKA). Каго-небудзь, хто хоча звязацца з кім-небудзь з Аргенціны. Шукаю не абавязкова сваякоў, а проста ўраджэнцаў, жыхароў Заостровечья, каб пазнаёміцца з гэтымі людзьмі па электроннай пошце.
Мае бабулі і дзядулі жылі  ў Заостровечье (Б. БОРKA).
СУШЧЭВІЧ дзявоцкае прозвішча маёй маці.

Калі ласка, ці не маглі б вы дапамагчы ў пошуку? Я магу гаварыць на італьянскай і
англійскай мовах.

Я прашу вашай дапамогі ў маіх пошуках, каб знайсці кантакт у гэтым горадзе.

Прывітанне з Аргенціны
Буэнас-Айрэс

Carlos Occhiuzzi (Карлос Сущевич)
Электронны адрас: carzzy2003@hotmail.com